(AP) – The Grammy’s lo cumpli cu nan palabra pa medio di e revelacion publico di e lista di inclusion den e personanan cu lo ser envolvi den e Grammy’s di e aña aki.

The Recording Academy a revela riba diamars un documento di 8 pagina unda cu ta detaya e proposito y obhetivo di e reglanan nobo aki. E acuerdo ta rekeri productornan pa usa y contrata candidato mas diverso tanto tras di camara como dilanti e camara pa e ceremonia di entrega di e premio pa di 64 biaha caba dia 31 di januari.

CEO di e Academia Harvey Mason Jr. a bisa cu e ta orguyoso di e iniciativa y ta spera e concepto por haci un diferencia. E academia a anuncia e adopcion di e Inclusion Rider den augustus.

“E reglanan nobo aki di inclusion lo provee un oportunidad pa hendenan cu talbes no a yega di ricibi uno anteriormente,” el a bisa den un entrevista recien. “Esey ta hopi importante pa mi persona. Mi no lo ta aki si un persona no lo a duna mi persona un oportunidad. Mi ta purbando di crea caminda y sigura cu tin area pa hende traha den un sistema unda cu nan por keda crece.”

E reglanan nobo aki ta rekeri e productornan duna audicion, entrevista y contract na personanan riba y fuera di escenario di gruponan cu a ser historicamente y sistematicamente exclui di e industria. E reglanan aki conoci como ‘Rider’ ta adicionnan na contract.

E Academia su iniciativa a ser crea conhuntamente cu varios grupo incluyendo The Color OF Change, co-autor di e ‘rider’ di inclusion Kalpana Kotagal y Fanshen Coz DiGiovanni, Ryan Butler, e director cu a funda Warner Music/Blavatnik Center for Music Business na Howard University y Valeisha Butterfield Jones, co-presidente di e Recording Academy.

Kotagal, abogada di dderechonan civil, a bisa cu e ‘rider’ aki ta inclui 4 elemento clave cu lo causa mehoracion den e representacion y igualdad na momento di pasa door di e proceso di contrata empleado, colllection y analisas di aplicantenan, datonan di e proceso y medidanan estricto di responsabilidad.

“Pa medio di compromete na e uso di e ‘rider’ di inclusion pa e produccion di aña 2022, The Grammy Awards no solamente ta sigurando un proceso di contrato mas diverso y igual, pero tambe e ta treciendo un standard importante pa inclusividad y representacion na e ceremnoia di entrega di premio di awe en adelante,” el a bisa den un declaracion.

Mason a expresa sentimentonan similar na Katagal, pa cu e hecho di tene hende responsabel y di ta comprometi pa inverti e “trabao real” den yuda crea un liña di talento diverso. E kier funciona bao di e idea di sigura cu e academia ta “inclusivo, diverso y hopi igual.”

E termino ‘Inclusion Rider” a ser treci dilanti den aña 2018 tempo cu Frances McDormand a menciona esaki den su speech ora cu e tabata aceptando e premio Oscar pa miho actris. Michael B Jordan, Matt Damon, Ben Affleck, Paul Feig y Warner Bros. a elogia esaki pa medio di haci uso di ‘inclusion rider’ den nan proyectonan di produccion.