(AP) – Prome cu e herment di inteligencia artificial ChatGPT a ser lansa, e novelista Robin Sloan tabata den proceso di test un assistent di scritura similar crea pa investigadonan na Google.

E no a tuma hopi tempo pa Sloan autor di un di e bukinan miho bendi titula “Mr. Penumbra’s 24-hour Bookstore,” pa realisa cu e tecnologia ta di tiki uso pa su persona. “Hopi di e inteligencia artificial actualmente ta suficientemente impresionante pa subi bo expectativa y ponebo pensa ‘waw, mi ta lidiando cu algo cu hopi capacidadnan,’” Sloan a expresa. “Pero despues den mil manera, miyones di manera chikito, e ta lagabo desapunta y traicionando bo cu e hecho cu en realidad e no sa kico e ta haciendo ni kico ta pasando.”

Otro compania por a lansa e experimento di tur manera, di mesun manera cu OpenAI a haci cu su herment ChatGPT fin di ana pasa. Sinembargo Google ta hopi cauteloso tocante ken por hunga cu su avancenan di inteligencia artificial apesar di e presion cu ta keda aumenta for di internet pa e gigante competi di manera mas agresivo cu e rival Microsoft, cual ta invertiendo biyones di dollar den OpenAI y ta uniendo e tecnologia cu nan productonan di Microsoft.

Esaki a cuminsa causa reaccion, mirando cu Google a pidi un di su ekiponan pone “prioridad riba traha na un respuesta na ChatGPT,” segun un memo interno cu a ser reporta anteriormente e siman aki pa CNBC. Google a nenga di duna comentario si tabatin ‘chatbot’ publico den desaroyo sinembargo vocero Lily Lin a bisa cu e lo continua “test nan tecnologia AI internamente pa asina sigura cu berdaderamente esaki lo yuda y cu e ta safe pa usa. Nos ta emociona pa comparti mas experiencia di manera externo pronto.”

Algun di e cambionan grandi tecnologico den e veld di inteligencia artificial, cual por crea paragraf di texto y imagennan ademas di videonan musical, a ser desaroya den Google su brasa di investigacion. “Esaki ta nifica cu nos tin un bon pia den e area aki, pero tambe nos tin un pia importante den no solamente lidera den por genera cosnan, sino tambe den trata cu calidad di informacion,” Zoubin Ghahramani, vice president di investigacion na Google a declara.

Ghahramani a bisa cu e compania kier tin un balans pa cu loke nan ta lansa y con nan ta haci esaki; “Nos kier pa esaki ta accesibel di manera cu personanan por produci cos en masse sin algun control? E contesta na esaki ta no, no den e etapa aki. Mi no ta kere ta responsabel pa nos laga hendenan tin control di esaki te ainda.”

OpenAI a nenga di duna comentario tocante e comparacionnan cu Google. Sinembargo den anuncia nan partner extendi den januari, Microsoft y OpenAI a bisa cu nan ta comprometi pa “crea sistemanan di AI y productonan cu ta confiabel y safe.”

Como assistent literario, ni ChatGPT ni Google su version di scritura creativo ta bini cerca na kico un ser humano por haci, Sloan a splica.