(TheVerge) – Google ta dunando cuatro di su ehecutivonan top un aumento significante di pago, aumentando nan salario di $650mil na $1 miyon, apenas algun siman despues cu e compania a bisa trahadornan cu no lo ahusta salarionan autameticamente pa tene cuenta cu inflacion. E salarionan nobo pa ehecutivonan a keda revela den un documento entrega na SEC.
E ehecutivonan ricibiendo e salarionan base di $1 miyon ta CFO Ruth Porat, vice presidente senior Prabhakar Raghavan (kende ta a cargo di e servicio di buskeda di Google); vice presidente senior y CBO, Philipp Schindler, y presidente di asuntonan global y CLO, Kent Walker. Tur cuatro ehecutivo ta eligibel pa ‘pa participa den un programa di bonus anual di maximo $2 miyon, basa riba contribucionnan na prestacion di Google pa cu metanan social y ambiental pa 2022’, segun e documento. Cada persona tambe a ricibi accionnan cu balornan den miyones di dollar.
Google recientemente ta hopi exitoso financieramente – a registra ganashi record pa di cinco kwartaal consecutivo na october. Pero den contrast na duna e cuatro ehecutivonan un aumento enorme riba nan salario, vice presidente di compensacion di Google a bisa e trahadornan na un all-hands na december cu e compania no tin plan pa haci ahustacionnan amplio na salarionan pa tene cuenta cu e tasa di inflacion aumentando na Merca.
Tambe a duna e aumentonan mientras Google ta mara den un bataya legal cu empleadonan pa motibo di acusacionnan cu nan a haya retiro ilegal na 2019. E trahadornan tin plan pa yama un di e recipientenan di un salario nobo di $1 miyon, Kent Walker, pa testigua como un testigo adverso.
Empleadonan tambe segun reportenan no ta satisfecho cu e politicanan di trabao remoto aparentemente diferente pa esnan den posicionnan mas halto. Na juli, vice presidente senior pa infrastructura tecnico, Urs Holzle a anuncia cu e ta mudando na New Zealand, cual dos empleado a bisa CNET tabata emblematico di un ‘double standard’ pa ehecutivonan.
