(AP) — Google ta bay inverti hasta $1 biyon den asociacion cu Airtel di India pa provee acceso pagabel na smartphones na mas cu un biyon di Indio y agilisa e uso di cloud-based computing pa negoshi, e dos compania a bisa diabierna ultimo.
E inversion ta bay yuda negoshinan chikito na India adopta hermentnan digital mientras India ta traha pa adopta educacion, pago y comercio digital memey di e pandemia, Google a bisa den un blog post. Como parti di e ‘Fondo di Digitalisacion di Google pa India’ lansa na 2020, Google ta bay paga $700 miyon pa adkiri un participacion di 1.28 porciento den Airtel. Tambe ta comprometiendo hasta $300 miyon pa acuerdonan comercial durante proximo cinco aña, Airtel a bisa den un declaracion.
E companianan tambe tin plan pa conhuntamente desaroya software pa 5G y otro standard, a bisa. Airtel ta un proveedor global di solucion di comunicacion di India, cu mas di 480miyon cliente na 17 pais na Sur di Asia y Africa.
Mas di 100 miyon usuario na India ta accesa servicionan di Google. Esaki a enfrenta problemanan legal cu e Comision di Competencia di India, cual a bisa cu e compania a abusa di e posicion dominante di su sistema Android den e segmento di mercado di Smart TV. Reguladornan ta bisa cu fabricantenan di Smart TV no tin alternativa pa Android, y pues ta obliga pa instala appnan di Google. Google a rechasa di a comete cualkier violacion, bisando cu su practicanan di licencia ta cumpli cu ley.
