Google mester paga un multa di 2.7 biyon Euro na Comision Europeo despues cu a wordo constata cu e compania a abusa di su poder door di promove su propio servicio di comparacion di shopping riba e top di e resultadonan di search.
E suma ta e multa di mas halto cu e compania aki a yega di haya, acusa di a interumpi e mercado. E veredicto tambe ta stipula cu Google mester stop nan practicanan anti competitivo dentro di 90 dia of enfrenta sancionnan mas halto.
Si e compania faya den e manera cu e ta opera servicio di Shopping dentro di un periodo di tres luna, cual ta e deadline, e por wordo forsa na haci pagonan di 5% di ganashinan mundial di su compania mayor Alphabet. Basa riba e reportahe financiero recien di e compania, esaki lo ta 14 miyon dollar pa dia.
