(AP) – Un hues riba dialuna a declara cu Google su search engine ta ilegalmente explotando su posicion dominante pa stroba competencia y innovacion den un decision cu por cambia internet y afecta un di e companianan mas conoci mundialmente.
E decision hopi anticipa di U.S Judge District Amit Mehta ta bini casi un aña despues di e comienso di e huicio cu ta pone Departamento di Husticia Mericano contra Google den e pais su bataya contra confiansa den kwart di siglo.
“Despues di a cautelosamente midi y balansa e testimonio di testigonan y e evidencia, e corte a yega e siguiente decision: Google ta un monopolista y a actua como un pa mantene su monopolio,” Mehta a skirbi den su decision di 277 pagina. El a bisa cu Google su posicion dominante den e mercado ta evidencia di su monopolio.
Google ta “disfruta di un 89.2% di e mercado pa servicionan general di buskeda, cual ta aumnta na 94.4% riba celular,” e decision a bisa.
Esaki ta representa un obstaculo grandi pa Google y su mayor, Alphabet Inc., cual a argumenta cu su popularidad ta bini for di e clientenan su deseo di usa un search engine asina bon den loke e ta haci cu el a bira sinonimo di busca cosnan online. Google su search engine actualmente ta procesa alrededor di 8.5 biyon buskeda pa dia mundialmente, cual ta casi dobel di su volumen 12 aña atras, segun un estudio recien di BOND.
Kent Walker, google su president di asuntonan global, a bisa cu e compania tin intencion di apela Mehta su resultadonan: “E decision aki ta reconoce cu Google ta ofrrece e miho search engine, pero tambe ta conclui cu nos no mester permiti esaki ta facilmente disponibel.”
Pa awo, e division ta respalda e reguladornan di anti-monopolio di e Departamento di Husticia, cual a presenta su demanda casi 4 aña atras y a intensifica su esfuersonan pa controla e poder di e companianan di tecnologia grandi durante e administracion di e president Joe Biden.
“E victoria aki contra Google ta un victoria historico pa e pueblo Mericano,” Procurador General Merrick Garland a bisa. “No tin compania, sin importa con grandi of influencial, ta riba di ley. E Departamento di Husticia lo vigorosamente aplica nos leynan contra confiansa.”
E caso a ilustra Google como un bully tecnologico cu metodicamente a stroba competencia pa proteha un search engine cu a bira e centerpiece di un mashin di promocion digital cu a genera casi 240 biyon dollar den ganashi aña pasa. Abogadonan di Departamento di Husticia a argumenta cu monopolio a permiti esaki cobra promotornan prijsnan sumamente halto mientras cu nan a disfruta di e luho di no mester inverti mas tempo y placa den mehora e calidad di su search engine, un strategia cu ta causa daño na e consumidornan.
Mehta su decision ta enfoca riba e biyones di dollar cu Google ta gasta tur aña pa instala su search engine como e opcion automatico riba celularnan nobo y otro dispositivonan tecnologico. Den aña 2021 so, Google a gasta mas di 26 biyon dollar pa garantisa e acuerdonan aki, Mehta a bisa den su decision.
Google a ridiculisa e acusacionnan aki, notando cu clientenan historicamente a cambia e search engine ora cu nan a sinti decepciona cu e resultadonan cu nan tabata ricibi. Por ehempel, Yahoo tabata e search engine mas popular durante añanan 1990 prome cu Google a yega.
Mehta a bisa cu e evidencia den e huicio ta demostra e importancia di e settings automatico. El a nota cu Microsoft su Bing awo tin 80% di e mercado riba Microsoft Edge su browser. E hues a bisa cu esaki ta demostra cu otro search engine tambe por tin exito si Google no ta garantisa como e opcion automatico predetermina.
Pero tambe, Mehta a credita e calidad di Google su producto como un parti importante di su posicion dominante, ademas, bisando directamente cu “Google ta ampliamente considera como e miho (search engine general) disponibel na Merca.”
Consumer Choice Center, un grupo di lobbying cu a lucha contra otro intentonan pa controla negoshinan, a critica Mehta su decision como un paso den e direccion incorecto. “Merca ta acercando e postura anti-tecnologia di e Union Europeo, un parti di e mundo cu no ta haci nada y ta castiga companianan Mericano exitoso pa nan popularidad,” Yael Ossowski, e centro di director diputado a bisa.
