Google ta enfrenta escrutinio regulador nobo na Reino Uni tocante plannan pa cambia su sistema di data di aviso, despues cu un grupo di industria a keha cerca e vigilante di competencia cu e cambionan lo cementa e dominio online di e gigante Mericano di tecnologia.

Marketers for an Open Web, un coalicion di compania di tecnologia y editorial, a bisa ayera cu nan ta urgi e vigilante di competencia Britanico pa step in y forsa Google retrasa e lansamento di su ‘privacy sandbox’, cual ta programa pa inicio di proximo aña.

E tecnologia nobo lo elimina e asina-yama ‘cookies di terceros’ (third party cookies) cu ta permiti pa track usuarionan a traves di internet door di warda informacion den nan aparatonan, reemplasando esaki cu hermentnan propiedad di Google. Esey ta nifica cu caracteristicanan manera login, aviso y otronan, lo ser elimina for di e red habri y poni bao control di Google, segun e grupo.

Autoridad di Competencia y Mercado (CMA) a confirma cu a ricibi e keho.

“Nos ta tuma e asuntonan treci dilanti den e keho hopi na serio, y lo evalua nan cuidadosamente cu un bista pa dicidi si mester habri un investigacion formal bao e Acta di Competencia”, a bisa den un declaracion, agregando cu si e preocupacionnan mester di atencion urgente, lo considera usa ‘medidanan interino’ pa stop cualkier conducta sospecha di ta anti-competencia pendiente di un investigacion completo.

E keho ta duna siguimento na preocupacionnan tocante e sistema nobo di Google cu e vigilante a trece dilanti den un reporte na juli tocante plataformanan online y aviso digital. E reporte a recomenda gobierno Britanico pa adopta un maneho regulador nobo pa goberna gigantenan digital cu ta gana hopi placa di aviso online.

Google a bisa cu e tecnologia nobo lo aumenta privacidad pa usuarionan mientras tambe ta duna sosten na editornan. “E red sosteni pa aviso ta den riesgo si practicanan di propaganda no evoluciona pa refleha e cambionan den experiencia di hende riba con ta colecta y usa data”, e compania a bisa.

Chrome di Google ta e web browser dominante di mundo, y hopi otronan manera Edge di Microsoft ta basa riba su tecnologia Chromium. Google ta controla mas di 90% di e mercado di aviso di buskeda na Reino Uni, balora na 7.3 biyon Sterling Pound, CMA a bisa den su reporte na juli.

Cookies di terceros ta permiti cumpradonan di aviso pa enfoca nan avisonan mas efectivamente na usuarionan di internet. Privacy Sandbox lo nenga editornan acceso na e cookies cu nan ta usa pa bende aviso digital, cu lo reduci nan revenue pa alrededor di dos tercio, Marketers for an Open Web a bisa.

E grupo a bisa cu e cambionan di Google lo move e negoshi di aviso digital ‘dentro di e hardin cera di su browser Chrome, unda e lo ta leu di alcance di reguladornan’. E grupo kier un retraso te cu autoridadnan bin un remedinan a largo plaso pa mitiga e dominio di Google riba partinan clave di internet.