Ta conocemento popular cu Google a fotografia un cantidad enorme di e planeta pa su proyectonan Street View y Google Earth. Pero pa prome biaha, Google a revela con hopi di nos mundo a fotografia: 10 miyon miya di imagen di Street View y 36 miyon miya cuadra den imagen di Google Earth, segun un reporte di CNET.
E cantidad di Google Earth ta particularmente impresionante: Google ta bisa cu awo ta cubri 98 porciento di e luganan den mundo unda hende ta biba. Y e 10 miyon miya di Street View ta pone Google miyanan dilanti di competidonan manera Apple, cu apenas a cuminsa inclui fotografia na nivel di caya den Apple Maps, cu lansamento di iOS 13 e aña aki. Pero Apple tin un caminda largo pa bay prome cu alcansa e miyones di miya di Google.
Obviamente, esaki tambe ta resalta e magnitud di e esfuersonan di Google pa pone den catalog henter nos mundo, ordenadamente den su servicionan y app. Hasta si imagennan di satelite di Street View of Google Earth no ta caracteristicanan cu bo ta uza tur dia, toch ta un parti grandi di e servicio di Google Maps. “Imagen ta den centro di tur locual nos ta haci”, segun Ethan Russel, director di producto na Google Maps, a comenta na CNET. “Nos ta pensa riba dje como e fundeshi di henter e proceso di traha mapa.”
