(AP) – Si The Golgen Globe Awards no tuma luga riba television, publico lo ser afecta?
Esaki ta un di e preguntanan ncu Hollywood Foreign Press Association ta enfrentando, cual lo procede cu nan ceremonia di entrega di premio diadomingo anochi sin ser televisa, sin nominado, sin invitadonan, sin un mat cora, sin anfitrion, prensa ni tampoco un livestream. Den un aña yen di controversia, e fiesta mas grandi na Hollywood, a ser reduci na no mas cu un serie di publicacionnan riba e red social Twitter.
Miembronan di Hollywood Foreign Press Association y algun recipiente di e grupo su premionan filantropico lo reuni na Beverly Hilton Hotel pa un evento priva di 90 minuut cuminsando 9or di anochi riba diadomingo. E nombernan di ganadornan di pelicula y television lo ser revela na mundo durante e evento riba e organisacion su rednan social y website. Enfasis special, nan ta bisa, lo ser duna na actonan di caridad durante e añanan.
Cu e organisacion a planea cualkier tipo di evento a bini como un sorpresa pa varios persona na Hollywood. Hollywood Foreign Press Assocation a ricibi hopi critica despues cu un investigacion di Los Angeles Times a rvela den februari fayonan di etica y un falta grandi di diversidad, no tabatin ni sikiera un solo reportero color scur den e grupo di 87 persona. Studionan y agencianan di promocion a menasa cu boycott. Tom Cruise a regresa 3 di su premionan Golden Globe, mientras cu otronan a publica critica fuerte contra e grupo riba rednan social.
Nan a declara cu lo tin reforma, pero hasta despues di e declaracion publico durante e di 78 edicion di e show, nan partner di hopi tempo caba NBC a anuncia cu nan no lo televisa Golden Globes di aña 2022, pa motibo cu “cambio di e magnitud aki ta tuma tempo y hopi trabao.” E canal di television tipicamente ta paga mas o menos 60 miyon dollar pa e derecho di televisa e show, cual ta entre e programa di entrega di premio mas mira despues di Oscar y The Grammys.
