Gobierno y TNO Caribbean ta firma acuerdo Cyber Security

Gobierno a firma un acuerdo di principio pa ‘explora cooperacion nacional riba tereno di Cyber Security’.

Gobierno a firma cu e partidonan TNO Caribbean y companianan di utilidad manera Utilities Aruba , WEB, Setar y AAA. Esaki ta informacion for di un relato di gobierno.

“E menasa digital cu organisacionnan critico ta enfrentando awendia ta universal, mundial y tin e potencial pa interumpi e bida diario den casi tur sector di  e economia. Negoshinan y ciudadanonan ta uzando internet y ta depende mas y mas riba nan bon funcionamento di nan computer y tecnologia pa informacion y comunicacion”, segun gobierno.

Gobierno a compromete su mes pa establece un structura di cooperacion pa loke ta Cyber Security na Aruba. Kico esaki ta encera, nan no a divulga.