(NLTimes) – Gobierno Hulandes a dicidi di temporariamente pone un stop na e restriccion di reunionnan familiar pa refugiadonan, segun Secretario di Estado Eric van der Burg a bisa den un carta manda na parlamento. E Conseho di Estado a trata e topico aki ayera y ta premira cu lo duna un declaracion pronto.
Varios refugiado a entrega demandanan contra e Estado ora cu nan a dicidi di pone restriccion riba reunion di famia como parti di e intento di para e fluho di solicitantenan di asilo. Corte na Haarlem anteriormente a declara cu e medida aki ta ilegal den e caso cu un mama di Siria a trece dilanti, sperando cu e lo por reuni cu su yiunan menor. E estado a apela esaki, causando cu e caso a cay den man di e Conseho di Estado.
Mientras Conseho di Estado trata e caso, e gobierno no lo aplica e restriccion riba ningun peticion cu ya caba a ser aproba pa asina evita “demandanan innecesario,” Van der Burg a comenta den su carta. Esaki ta aplica solamente na decisionnan nobo cu te ainda mester ser tuma.
E restriccion di e estado ta dicta cu e refugisadonan of solicitantenan di asilo kendenan a ser aproba y a ricibi permiso di residencia pa Hulanda por solamente aplica pa trece nan famia na Hulanda na momento cu nan a haya un vivienda. Sinembargo pa causa di e escasez di vivienda na Hulanda, esaki hopi biaha ta tuma demasiado tempo. Si e refugiado no tin un vivienda despues di 15 luna, nan por aplica pa e miembronan di nan famia reuni cu nan.
