Gobierno ta den dialogo cu sindicatonan: Gobierno ta informa empleadonan publico ‘no work, no pay’

Relaciona cu e reunionnan di sindicatonan di diahuebs mainta, diaranson Departamento di Recurso Humano a manda un carta pa tur Hefe di Departamento pa recorda nan cu e accionnan y of reunionnan di diahuebs mainta tabata riba base di ‘no work no pay’.

Segun un comunicado di prensa, Gobierno ta respeta derecho di tur trahado y ta pidi nan prudencia. “Na e momentonan aki, Aruba ta para dilanti situacionnan hopi dificil financieramente, y nos ta para na unda cu hunto nos mester lucha pa saca nos pais padilanti y paga pa e iresponsabilidad di e Gobierno anterior. Gobierno ta purbando den dialogo cu sindicatonan y te ainda ta den dialogo cu otro pa logra yega na acuerdo cu otro.”