Den luna di october tur persona cu ta den bijstand y cu ta bay scol, tin e posibilidad di haya un ayudo financiero extra. E ayudo financiero extra ta wordo paga un biaha so y ta consisti di dos parti:
- ‘Schooluitkering’ (Subsidio Escolar).
- ‘Ouderlijke Bijdrage (Contribucion di Mayor).
Conferencia di prensa
Diamars dia 1 di september 2020 parti mainta DAS, por medio di un conferencia di prensa, lo elabora riba loke ta trata e ayudo financiero extra pa aña escolar 2020/2021. DAS lo bay splica ken tur ta bini na remarca, kico e ayudo financiero ta encera, kico tur ta e rekisitonan y alabes pakico ta importante pa cumpli cu nan.
Cambio en conexion cu COVID-19
Normalmente e ayudo financiero extra aki ta wordo duna tur aña den luna di september. E aña aki esaki a conoce un cambio esta cu e ta bay wordo duna den luna di october. E motibo tras di e cambio aki ta e hecho cu a hala e habrimento di e aña escolar nobo pa dia 3 di september 2020.
Ademas di e cambio menciona ariba, e aña aki DAS a traha un “schedule di entrega” pa asina evita aglomeracion di hende na su oficina na Oranjestad. Durante e conferencia di prensa lo presenta e “schedule di entrega” cu cada mayor lo haya tambe hunto cu e formulario na e scol concerni.
Nos ta pidi e comunidad di Aruba pa keda pendiente pa tur informacion rond esaki y pa por fabor ‘like’ nos pagina di facebook “Departamento di Asunto Social” caminda tur update y tur otro informacion importante lo keda publica. Si bo persona tin cualkier pregunta por tuma contacto cu DAS seccion di bijstand na telefon 528-1100 of 528-1110.
.
