(NLTimes) – Gabinete tin plan di “corta e cabes di crimen organisa,” Prome Minister Mark Rutte a bisa durante e conferencia di prensa semanal. El a enfatisa cu esaki ta e gobierno su meta “den un sentido general.”
“Mi no ta bisando nada tocante e menasa concreto cu tin, ni tampoco e medidanan di siguridad,” el a bisa, refiriendo na e hecho cu Prinses Amalia no por sali for di cas pa causa di menasanan serio den su contra.
Rutte a ripiti cu e ta haya e situacion aki “teribel” pa Prinses Amalia y su famia. E no por bisa nada mas tocante e naturalesa y origen di e menasanan contra di Amalia. “Nos ta spera cu esaki lo pasa lo mas pronto posibel.” E situacion catual ta “absolutamente afectando su persona y e manera den cual e por sigui su estudio,” e prome minister a bisa. E por studia, sinembargo e “bida normal di un studiante cual bo ta desea” no ta posibel actualmente.
Tampoco el a comenta con y si acaso e situacion aki lo tin un impacto den Amalia su preparacion pa reinado. “Esaki ta depende riba con largo e situacion aki permanece y cua e impacto ta. Ta pa e motibo aki nos ta haci tur loke nos por pa caba cu esaki.”
Rutte mes tambe a ser menasa. Hustamente prome cu Dia di Presupuesto, no solamente a ser revela cu siguridad di Prinses Amalia a aumenta, sino tambe cu criminalnan posiblemente tin bista riba e prinses y e prome minister. E no kier a bisa nada tocante esaki tampoco y solamente a comenta cu “claramente esaki ta afecta mi persona tambe.”
