Faltando apenas nuebe dia pa e fecha di 18 di october cu Secretario di Estado, Raymond Kops a declara na prensa Hulandes pa pais Aruba presenta algo concreto pa e proximo reunion di Conseho di Minister di Reino, ainda gobierno di Aruba no tin niun clarificacion riba e deadline aki.
Prome Minister di Aruba, Evelyn Wever-Croes no ta haya tampoco cu ta responsabilidad di su persona pa bay puntra pa clarificacion di Knops riba su declaracion tocante e deadline di 18 di october.
A pesar di esaki, e prome mandatario a laga sa cu su gobierno ta den contacto cu Hulanda riba diferente tema cu nan ta tratando, entre nan e ley di supervision financiero (LAft). Tambe nan ta deliberando riba e normanan y e social crisis plan.
“Nos ta den bon contacto cu otro den esey,” Premier Wever-Croes a bisa. Si tin un desaroyo nobo pa menciona, e lo hacie pa comunidad di Aruba ta informa.
