Gobierno ta purbando pa recupera algun debenan habri cu Mio a laga atras despues cu nan a declara bancarota y a perde nan permiso pa opera, cual en total ta mas o menos 15 miyon florin, segun minister.
Durante tratamento di presupuesto pa 2018 tabatin preguntanan dirigi na minister di transporte, comunicacion y sector primario Chris Romero (MEP) pa loke ta trata e estado di compania di telecomunicacion Mio.
Sr. Romero a splica Bon Dia cu Mio a perde nan caso y a bay bancarota, ademas di esaki nan tin un debe di mas o menos 15 miyon florin. E cobramento di cualkier debe cu gobierno por recupera ainda gobierno a pone den man di curator Eugene Martis, segun minister.
“Cu e caso aki lo purba recupera algun di e debenan habri cu e compania tin cu pais Aruba.”
