(NLTimes) – Gobierno lo inverti 82 miyon euro pa aña den proteccion di hobennan di un carera den crimen, Minister di Husticia y Siguridad a anuncia.
E kier preveni cu criminalnan den droga por contrata muchanan.
“Ya caba e criminalnan ta atrayendo muchanan di edad di scol primario pa hiba un pakete un caminda,. Nan ta pidi studiantenan di scolnan secundario trece y hiba un persona riba nan scooter,” e Minister a isa. “Un dia, nan ta tende tiroteo y ta bira involucra den un asesinato. Muchanan hoben ta ser hinca den un bida di crimen y nan ta perde nan futuro. Nos mester preveni cu nos muchanan chikito ta bira criminalnan grandi.”
E placa lo ser duna na 15 municipalidad cu ta luchando contra muchanan hoben den crimen, cual ta Amsterdam, Arnhem, Breda, Den Haag, Eindhoven. Groningen, Heerlen, Leeuwarden, Lelystad, Nieuwegein, Rotterdam, Schiedam, Tilburg, Utrecht y Zaanstad. E municipalidadnan lo haci plan specifico pa trata e problema aki den nan barionan. Mas ciudad lo keda agrega na e lista aki mas adelante den e aña.
E Gabinete kier pa e ciudadnan aki usa e placa pa duna e muchanan hoben trabaonan y un entrada, pero tambe pa zundra nan severamente si nan tuma paso den direcicon di un bida di crimen.
