(NLTimes) – Desde e aña academico di 2023 pa 2024, studiantenan cu no ta biba na cas lo ricibi un suma basico di 225 euro pa luna.
Studiantenan cu ta biba na cas lo ricibi 91 euro, segun fuentenan cercano di Gabinete a conta NOS y AD. E gabinete tambe a calcula cierto cantidadnan pa mustra parlamento, pero nan ta di e opinion cu riba di e sumanan aki ta e miho opcion.
Studiantenan di casnan unda cu tin un nivel baho di ingreso, lo ricibi un suma adicional pa suplementa di 419 euro, dependiendo riba nan mayor su ingreso. Pa cualifica pa e cantidad minimo, e mayornan mester gana por lo menos 53,900 euro of menos. Pa e cantidad maximo, e mayornan mester gana por lo menos 34,600 euro of menos.
E Conseho di Minister probablemente lo dialoga tocante e proposicion aki diabierna segun NOS. Tweede Kamer, parti di e parlamento Hulandes, lo dialoga tocante e plan den un debate otro luna. E gabinete a bay di acuerdo pa descarta e sistema di prestamo pa studiante y reimplementa e beneficio basico di studiante den e acuerdo di coalicion despues cu un gran cantidad di minister den parlamento a pidi esaki. Gabinete tin plan di compensa studiantenan cu a cay bao di e sistema di prestamo. Nan lo ricibi 359 euro pa cada aña cu nan a studia, cu ta yega un maximo di 1,436 euro pa e personanan cu a obtene nan diploma segun e fuentenan di NOS.
