(NLTimes)—Aproximadamente 3.000 hogar den e bisindario di Schiphol Airport lo ricibi compensacion pa contaminacion di zonido causa pa e aeropuerto entre 2017 y 2019, segun e Ministerio di Infrastructura a confirma na NOS. Esaki ta concerni adresamento unda e standardnan di zonido a ser surpasa durante e periodo ey.
E Inspectorado pa Ambiente Humano y Transporte a fracasa den e implementacion di standard pa contaminacion di zonido entre 2107 y 2019 pasobra reglanan nobo cu standardnan halto casi a ser implementa. Localnan a bay corte pa esaki na 2020, y un comite independiente a dicidi finalmente cu e localnan tabatin derecho na compensacion.
Ora e Ministerio a anuncia e compensacion na April, el a asumi cu rond 4.6000 hogar lo cualifica pa esaki. Pero 1.600 ultimamente no a aplica, segun e Ministerio a conta NOS. Mayoria compensacion ta bale entre 50 pa 2.200 euro. E Ministerio a pone 5.5 miyon euro na banda pa esaki y lo cumpli cu pago na fin di october of na comienso di november.
Pa e proximo temporada di invierno, E Inspectorado lo cuminsa implementa e standard di zonido atrobe. Pa por keda dentro di e standardnan ey, gobierno ta plania pa reduci e cantidad di movemento aereo for di 500.000 pa aña pa 460.000 pa april. For di november otro aña, e lo sigui cay pa 452.500.
