Cu fondonan di Plan Crisis Social, gobierno kier bay cuminsa subi caya pa gana confiansa cu ambulante pa convence nan pa bay FMAA (Fundacion Maneho di Adicto Aruba) y haya e ayudo necesario pa nan rehabilitacion.
Minister di Salubridad, Turismo y Deporte, Dangui Oduber (MEP) a splica cu, pa medio di Plan Crisis Social di Ministro di Labor y Asunto Social, a bin cu un team cu ta consisti di Psikiatra, Psicologo y Enfermoranan cu ta duna yudansa na adicto ambulante.
E Fact Team lo subi riba caya pa asina papia cu adicto, di un manera gana nan confiansa pa asina e ambulante di un forma boluntario por presenta na FMAA na Seroe Colorado (sin obligacion) pa por haya e ayudo necesario.
Inversion den infrastructura di FMAA
Sinembargo, el a bisa cu ta invertiendo den infrastructura di FMAA. “Tin un acuerdo di cooperacion cu un Arubiano cu un clinica exitoso na Colombia. Nos ta bay bin cu un programa di rehabilitacion na FMAA”, el a expresa.
Hunto cu e Fact Team lo bin cu maneho cu ‘ta premira cu lo ta exitoso’ pa asina atende cu problema cu adicto ambulante. Pa finalisa el a bisa cu e team ta esencial. Gobierno a institui e Fact Team aña pasa y aworaki tur cos ta na luga pa cuminsa haci e trabou riba caya y brinda e cuido ambulante cu ta necesario pa atende cu e problema aki.
