(NLTimes) – E Gabinete kier construi dos planta nuclear cu lo mester ta operacional den aña 2035. Nan ta mirando na Borssele na Zeeland, unda cu e unico stacion ta actualmente. Varios fuente a confirma esaki despues di un reportahe d RTL Nieuws.
Minister di Energia Rob Jetten ya caba a organisa dialogo, incluyendo cu e provincia di Zeeland. Tambe e tabatin discusion cu e plantanan cu por ser completa rond di 2035, segun fuentenan cercano.
Borssele ta e localidad preferi obvio mirando cu ya caba e tin un stacion central. E decision te ainda no ta final, e personanan involucra a enfatisa. Gabinete posiblemente lo dicidi durante e conseho di Ministernan riba diabierna. Gobierno a inclui e construccino di dos planta nuclear den e acuerdo di e coalicion. Partidonan di e coalicion VVD y CDA ta particularmente na fabor di esaki. Gabinete a aloca 5 biyon euro pa energia nuclear y fondo di clima.
Genera energia nuclear no ta lansa CO2, sinembargo construccion di planta ta tuma hopi tempo y placa. Pa e motibo aki, e ta un tecnica cu e Gabinete ta enfoca pa largo plaso. Hulanda tin meta di bira neutral pa e clima pa aña 2050. Pa logra esaki, no por tin emision di CO2 durante produccion di electricidad.
Tweede Kamer, parti di e parlamento Hulandes, a adopta un proposicion riba diamars pa implementa e strategia cu a priminti pa apresura e construccion di plantanan di energia nuclear.
Plantanan di energia nuclear ta keinta awa pa produci vapor. E vapor aki ta ser usa den turbinanan grandi cu ta genera electricidad. Plantanan di energia nuclear ta usa e calor produci durante ‘nuclear fission’ pa keinta awa.
