Gobierno ta laga haci un test pa wak si por uza petroleo pisa laga atras riba tereno di e refineria pa traha asfalt. Tin hopi peticion pa asfalta caminda den bario. Asina gobierno ta studiando alternativa pa yega na material pa asfalta e barionan, segun prome minister Mike Eman.
“Nos tin na e momentonan aki, den e proceso di e refineria cu nos ta bay haya bek, loke nan ta yama un ‘asfaltmeer’ cu ta parti di un deposito di petroleo hopi pisa cu durante 70 aña a wordo acumula den un buraco riba e tereno di refineria. Na e momentonan aki ta haciendo un test pa wak si parti di e producto ey por wordo uza pa asfalt. Si esey por, e ta bay yuda baha e gastonan y gobierno ta bay ta den un miho posicion pa laga asfalt yega den mas di e barionan cu ta pidiendo p’e.”
Eman ta spera cu den proximo simannan lo por yega na un resultado.
