(NLTimes) – Gabinete Hulandes ta ‘considerando seriamente’ cu no tur persona cu ta cualifica pa evacuacion ta bay wordo retira for di Afganistan na tempo. Ainda mester evacua centenares di persona.
Gobierno por no tin suficiente tempo pa haci esaki, e gabinete a skirbi na Tweede Kamer. “Cada ora ta conta.”
Adicionalmente, soldadnan Hulandes ta yudando reuni tur esnan na capital di e pais, Kabul, pa prepara nan pa evacuacion y pa protege diplomaticonan Hulandes na e aeropuerto, como tambe avionnan Hulandes.
Nobenta soldad, incluyendo comando, marinier y Brigada pa Casonan di Seguridad Especial (BSB) ta presente na e aeropuerto di Kabul. E tarea principal di ehercito ta pa protege e diplomaticonan Hulandes na e aeropuerto, e avionnan Hulandes, y e evacuadonan.
Merca a acorda cu e Taliban, cu awo ta goberna Afganistan, pa usa e aeropuerto di Kabul pa evacuacion te dia 31 di augustus proximo. Hulanda, hunto cu su aliadonan di NATO, consistentemente a argumenta pa extende e periodo aki, pero e opcion aki no a bin dilanti.
Den practica, e vuelonan di evacuacion por tin cu stop mas trempan, pasobra e Mericanonan mes tambe mester di algun dia pa saca nan 6mil tropa for di e pais di forma sigur. Esey ta e motibo pakico ‘bao circunstancianan cada bes mas dificil’, hende ta trahando cu tur nan forsa pa evacua e mayor cantidad di hende posibel.
Mas cu mil persona a bandona Kabul riba vuelonan di evacuacion desde siman pasa cu Hulanda como nan destino final. Di nan, 644 ya a yega Hulanda. Ademas di personal di embahada local, esakinan ta inclui interpretenan y nan famia, y ciudadanonan Hulandes cu ainda tabata na Afganistan.
E ciudadanonan Hulandes aki, incidentalmente, ta considerablemente mas grandi di loke a spera, segun ministerio di Relacionnan Exterior ta reconoce. Ta calcula cu ainda tin centenares di ciudadano Hulandes na Afganistan, a pesar di añanan di conseho di biahe negativo, y un yamada urgente pa bandona e pais na comienso di e luna aki.
Siman pasa, Tweede Kamer a duna orden pa e gabinete evacua, ademas di interprete, otro Afganonan cu por ta den riesgo pa motibo di nan trabao cu Hulanda. Miles di persona awo a bin dilanti, incluyendo informador pa periodista-, activistanan di derecho humano, abogado- y empleadonan di organisacionnan di desaroyo.
Alrededor di 250 persona den e grupo aki a wordo declara como incuriendo un riesgo adicional pa motibo di nan trabao. “E personanan aki a wordo yama na aeropuerto na Kabul, unda nos hendenan ta bay yuda nan drenta pa evacuacion.”
