(NLTimes)—Despues di casi cuatro aña desde cu el a lansa, e dashboard online di gobierno Hulandes pa coronavirus a retira diamars. Usuarionan bishitando e website despues di 3or di atardi buscando informacion actual tocante e status di e pandemia a ser dirigi na e website di RIVM, e instituto di salud publico Hulandes.
E gobierno a usa e plataforma pa informa pueblo tocante un variedad di puntonan di data relaciona na e brote di coronavirus, incluyendo e desaroyo diario di e cantidad di infeccion- y hospitalisacionnan. Menos hende a bishita e website despues cu pandemia a caba, cual a causa gobierno pa determina cu no mester di e website mas.
Hugo de Jonge, minister di salud e tempo ey, a anuncia plannan pa e dashboard na mei 2020. Un version di prueba a bay online un luna despues. Na comienso, e dashboard a mustra solamente e cantidad di test positivo pa cada 100,000; e cantidad averahe di hospitalisacion y e cantidad di hende den cuido intensivo. A agrega mas informacion despues, manera e balor di reproduccion, e cantidad di infeccion entre hende vulnerable, y cantidad di vacunacion administra y un calculacion di particulonan di e virus descubri den riolering.
E nivel di riesgo tambe tabata riba e dashboard, cual tabata diseña pa conseha e publico tocante un estado di alerta conecta cu con lihe e virus tabata plamando. E nivelnan tabata vigilante, preocupante, serio y hopi serio. A reemplasa esaki den 2022 pa e “Corona thermometer.”
E data di e dashboard lo keda disponible pa investigadonan. RIVM tambe lo continua registra e plamamento di e virus, por ehempel, por medio di midi e concentracionnan di particulonan di e virus den riolering.
