(NLTimes) – Gobierno Hulandes a dicidi di descarta e idea di habri un shelter pa solicitantenan di asilo den un crucero riba lama. Secretario di Estado Eric van der Burg a bisa parlamento cu e ta demasiado complica pa hiba suministro na barconan den lama, y tambe tin varios riesgo di siguridad relaciona cu e recepcion na lama, NOS a reporta.
Siman pasa, Van der Burg a bisa e gobierno tabata mirando na e posibilidad di haci un shelter pa e solicitantenan aki. Organisacion pa refugiadonan yama Vluchtelingennwerk a yama esaki un “idea absurdo”. “Bo no tin mester di investigacion pa bo mira cu bo no por haci esaki cu personanan cu a core for di guera y violencia. Bo mester acepta e personanan aki como un sociedad y no for di e distancia den lama.”
Gabinete lo continua cu nan plan pa contrata 3 crucero pa shelter pero kier laga esakinan para na waf. “Manera e ta mustra awo,” e prome barco lo yega Velsen, Van der Burg a bisa. Actualmente e ta den examinacion pa mira con por haci esaki adecua pa e recepcion di mas o menos 1,000 persona pa dia 1 di september.
