(NLTimes) – Ministerio do Finanzas no lo financia regulacion y supervision di criptomoneda. E Ministerio a nenga varios peticion for di Authority for Financial Markets (AFM) pa extra financiamento y a te hasta limita e contribucionnan cu e regulador por pidi e sector, Fiancieele Dagblad (FD) a reporta basa riba documentonan ricibi for di e Ministerio via Open Government Act.
AFM tin cu aumenta su supervision di e mercado di criptomoneda pa asina pro cumpli cu e legislacion Europeo nobo riba e sector, MiCa, cual ta drenta den efecto pa fin di e aña aki. E regulador den varios ocasion a pidi e Ministerio pa financia e extra supervision aki, sinembargo e apelacionnan a cay den horeanan sordo, segun FD.
E Ministerio a pidi un contribucion di gobierno pa supervision di criptomoneda cu ta “politicamente imposibel,” segun e documentonan den posesion di FD.
E regulador a delinea 3 nivel di supervision di e mercado di criptomoneda: “basico, estricto y minimal.” El a bisa cu e opcion “minimal” no ta suficiente pa por cumpli cu MiCa. Sinembargo esaki ta e opcion cu gobierno a scoge.
“Mirando e riesgonan den e sector di criptomoneda,” e Ministerio a conta AFM, segun FD “nos ta conseha pa sigui cu e scenario minimal.”
AFM no kier a duna comentario tocante e falta di financiamento di gobierno na FD. El a bisa si cu e lo enfoca su esfuersonan riba e problemanan cu por causa mayoria daño na consumidornan, inversionistanan y partidonan den mercado.
E Ministerio a conta FD cu el a tuma decisionnan di capacidad den consulta cu AFM.
