(NLTimes) – Secretario di Estado Eric van der Burg (Husticia y Seguridad) mester procesa solicitacion di asilo for di personanan di teritorionan Palestino, Raad van State a declara diaranson.
Van der Burg temporariamente a freeze solicitacionnan di Palestinonan den december, sinembargo segun Raad van State, su decision no tabatin substancia y no ta basa riba informacion actual. Minister Liesje Schreinemacher (Exportacion den exterior) tambe a informa parlamento cu Hulanda mester sigui exporta partinan di F-35 fighter jet.
Dia 19 di december, Van der Burg a anuncia cu IND no lo tuma ningun decision riba aplicacionnan for di solicitantenan di asilo Palestino pa 6 luna. Solicitantenan di asilo Palestino ken ya caba a gasta nan remedionan legal no lo ser manda back Gaza Strip pa awo.
E motibo pa e decision aki ta cu e atakenan Israeli riba Gaza Stripden respuesta na Hamas su atake terorista. Segun e Secretario di Estado, e situacion di seguridad den teritorionan Palestino ta incierto actualmente, sinembargo no ta cla con esaki lo sigui desaroya.
Solicitantenan di asilo Palestino ta suheta na e decision aki, argumentando cu e situacion na Gaza no ta incierto pero insigur y no ta temporario. E Secretario di Estado mester, pa e motibo aki, dicidi riba aplicacionnan di asilo dentro di e periodo legal. Mirando e bomnan di Gaza, tin un bon chens cu e solicitacionnan di asilo Palestino lo keda otorga.
