(NLTimes) – Gobierno ta comprometi na establece un corte internacional anti-corupcion. Segun Minister Wopke Hoekstra di Asuntonan Stranhero, corupcion di escala grandi ta menasa paisnan su stabilidad, prosperidad y siguridad.
E Minister a señala na Rusia como un ehempel. E base economico pa Vladimir Putin su regimen ta “corupcion claro,” el a bisa. Rusia su atake na Ucrania ta menasa e stabilidad den henter e region.
“Corupcion di parti di oficialnan publico no solamente ta un problema publico, sino tambe ta ofende democracia y e regla di ley den un pais. Ademas, esaki ta aumenta e falta di igualdad entre e poblacion. E ta simplemente criminal. No solamente e pais mes ta sufri, sino corupcion ta causa daño na e interesnan di otro estadonan tambe,” Hoekstra a bisa den un declaracion.
E lo tuma tempo pa establece un corte di e tipo aki. E minister lo traha cu otro paisnan pa asina haya sosten tocante e corte anti corupcion. Mas durante e aña aki, Hulanda, Canada y Ecuador lo organisa un conferencia tocante combati corupcion.
Riba dialuna, Hoekstra y su coleganan den EU a papia cu Karim Khan, ken ta hefe di fiscalnan na International Criminal Court (ICC). El a ser informa pa cu e progreso den e investigacion di e Ministernan relaciona cu e crimen di guera na Ucrania. Hoekstra a anuncia cu Hulanda lo duna 1 miyon extra na ICC.
Tur pais di EU kier pa ley cana su caminda, Hoekstra a comenta despues di consulta na Luxemburg. Esunnan responsabel pa e “crimennan obvio” cometi na Ucrania no por keda sin para responsabel pa esaki, y perseverancia ta rekeri pa por logra tene nan responsabel,” el a expresa. “esaki tabata e impresion cu mi a haya di mi coleganan. Kiermen nos ta bay sigura cu nos por logra esaki.”
