Gobierno Hulandes a haya orden pa stop di colecta y procesa data di pasaheronan

(CuraçaoChronicle) – Ministerio di Husticia y Siguridad mester para inmediatamente e practica di coleccion grandi y di procesa detayenan di biahe y pasaheronan di aerolineanan segun Dutch Data Protection Authority a bisa diamars.

E data ta ser usa pa tin un bista den e movecion di criminalnan y teroristanan, sinembargo e ministerio ta colecta, procesa y warda tur pasahero su data. “Esaki no ta permiti y mester stop inmediatamente,” e autoridad a declara.

Esaku ta trata record di nomber di e pasaheronan conoci como PNR Data. Segun e autoridad, e Ministerio ta colecta y automaticamente procesa y warda di manera sistematico y data di miles y miles di persona cu no ta pertenece na e grupo ni base di dato pa cual e practica aki ta dirigi, pues teroristanan y criminalnan serio. “E necesidad y proporcionalidad di e proceso aki no por ser hustifica,” e vigilante di privacidad a comenta.

E Ministerio mester limita e cantidad di PNR Data cu ta ser procesa di manera considerabel y solamente procesa data cu ta necesario y proporciona pa e lucha contra di terorismo y crimen serio. Segun e autoridad. Nan a conseha e ministerio pa haci esaki aña pasa, sinembargo segun e vigilante, e ministerio no a tuma accion pa cambia esaki y procesa e data conforme e ley te ainda.

E ministerio a ricibi 14 dia pa indica con nan lo trece cambionan y cuminsa cumpli cu e leynan. “Nos ta autorisa di para e proceso di e datanan aki cu un prohibicion si esaki bira necesario.”