(CuraçaoChronicle) – Un decision sumamente confidencial di e gobierno Hulandes unda a provee asilo na e candidato di oposicion Venezolano Edmundo Gonzalez na su embahada a sali na cla, revelando cu e prome ministernan di Aruba y Corsou no tabata infroma a causa di preocupacionnan di seguridad.
Aruba su Prome Minister actual Evelyn Wever Croes a confirma cu el a ser notifica tocante e presencia di Gonzalez despues cu el a sali for di e pais rumbo pa Spaña. Segun Wever-Croes, e gobierno Hulandes a splica cu revela su presencia den e pais mas trempan no ta posibel a causa di e necesidad di proteha e seguridad di Gonzalez, e empleadonan di e embahada y otro empleadonan involucra.
Representante Special Annemiek Verrijp a declara cu e importancia di mantene e parti Caribense di e Reino informa a ser poni den balans. Sinembargo, e Minister di Exterior na final a tuma e decision di no involucra e Prome Ministernan di Aruba y Corsou den e decision, dunando prioridad na seguridad. E Minister di defensa, sinembargo, si tabata informa tocante e decision.
Tabatin expectativa cu e dialogo cu e Minister di Exterior Hulandes y potencialmente e Prome Minister di Hulanda, pronto lo tuma luga pa trata e manera cu a atende e topico sensitivo aki.
