(AP) – Venezuela su gobierno riba a anuncia diabierna cu lo cuminsa otro investigacion contra lider di oposicion Maria Corina Machado, siguiendo cu su esfuersonan di culpa Machado pa e sancionnan economico cu Merca y otro nacionnan a impone contra e pais Sudamericano.
Lo investiga Machado pa expresa sosten na un proposicion aproba den Cas di Representante Mericano anteriormente e siman aki cu lo blokia e gobierno federal di firma contract ni haci negoshi cu Venezuela su gobierno.
Un declaracion di Venezuela su Procurador General a anuncia e investigacion mas recien y a bisa cu Machado su comentarionan ta “constitui e comision di crimennan di traicion contra e pais,” conspiracion cu otro paisnan y asociacion. E declaracion a caracterisa e proposicion como un esfuerso di “aumenta e catalogo di sancionnan” contra Venezuela.
E anuncio aki a bini 4 dia despues cu gobierno Mericano a reconoce e candidato di oposicion Edmundo Gonzalez como e nacion su “presidente electo.” President Nicolas Maduro a reclama e victoria den eleccion di juli, sinembargo su persona y su gobierno a nenga mustra e contento di voto cu ta sostene su supuesto victoria.
Machado a gana e primario organisa ana pasa pa e oposicion principal cu mas di 90% di sosten. Sinembargo e no tabata riba lista di dia 28 di juli pa motibo cu Maduro su gobierno a prohibi su persona di participa den e careda, acusando cu el a busca e sancionnan economico cu Merca a impone den e ultimo decada como un intento di tuma Maduro.
Machado su substituto, scogi pa e mes, tambe a keda prohibi di representa e coalicion di oposicion. Esaki a causa cu e fraccion su liderazgo a scoge Gonzalez como un candidato.
Venezuela su Conseho Electoral Nacional, cual ta yen di persona leal na e partido na mando, a declara Maduro como e ganador di e eleccion oranan despues cu e urnanan a cera. Contrario na eleccionnan presidencial anterior, e autoridadnan electoral no a provee un cuento di voto detaya. Sinembargo, e coalicion di oposicion a colecta e conteo di voto di 80% di e nacion su sistemanan di votacion electronico y a publica nan online. Gonzalez y Machado despues a bisa cu e recordnan di voto ta demostra cu Gonzalez a gana e eleccion cu dobel cantidad di voto riba Maduro.
Gonzalez a sali for di Venezuela den september den exilio na Spaña despues cu a emiti un ordo di detencion contra su persona en conexion cu e publicacion di e votonan.
Venezuela su proximo termino presidencial ta cuminsa dia 10 di januari.
Den un publicacion riba X, Machado a expresa su gratitud na miembronan di Congreso Mericano pa e aprobacion di e proposicion, cual el a describi como un paso “crucial den direccion di garantisa cu Maduro su regimen lo para responsabel.”
“Nos lo sigui e lucha pa libertad na Venezuela, trahando hunto pa logra un transicion sublime na democracia y un futuro briyante pa e region,” el a publica.
