Presidente di Peru, Martín Vizcarra, a ordena Ministerio di Salud pa asumi e control di e sistema sanitario di Arequipa, pa motibo di su collapse pa e aumento di e contagionan di coronavirus den e departamento aki.
Asina a anuncia diahuebs ultimo, despues a oficialisa mediante un Decreto di Urgencia 086, cu ta autorisa Ministerio di Salud pa interveni den sistema sanitario di Arequipa temporalmente.
Cu esey, Gobierno central por tuma decisionnan riba e trahadonan, e instalacionnan, ekiponan y material di sistema sanitario di Arequipa, cu tambe por elabora plannan strategico.
Ehecutivo ta hustifica e intervencion pa motibo cu Arequipa ta “den fase di crecemento lihe desde juni, pa loke ta resulta imprescindible pa corta e cadena di transmision” di coronavirus.
Den sentido aki, ta destaca cu e victimanan mortal a supera e cifra di 500 y cu hospitalnan a collapse, “pa loke e situacion sanitario a bira compleho y critico na e departamento aki”.
Minister di Salud, Pilar Mazzetti a aclaria den ultimo oranan cu si ta necesario lo bolbe pa un cuarentena estricto.
Di otro banda, tambe a indica cu e vacuna di coronavirus lo no ta disponibel te “mita di otro aña” di acuerdo cu e calculonan di e Gobierno Peruano.
