Tin un luz na fin di e tunnel pa Giro Bank. Mientras cu ainda falta par di toke final pa yega na un acuerdo, un gran parti di e portfolio cu ta presta placa na Giro Bank lo keda traspasa pa e banco nobo APC Bank, cual ta cay bou General Pension Fund Curaçao. Ki tempo APC Bank lo cuminsa su operacion no ta conoci te awo.
Un otro problema cu lo resolve ta cu tur esnan cu cuentanan na e banco y cu depositonan na e banco lo por benta e contenido di nan cuentanan cu nan tin na Giro Bank.
APC mes ta un di e doñonan mayoritario di accionnan den Giro Bank, cu 39.8 di e accionnan, contribuyendo alrededor di 110 miyon florin pa esaki. E clientenan futuro di APC Bank, kendenan anteriormente mester a lidia cu un moratorio contra tur suma mas halto cu 100 mil florin, lo haya acceso bek na nan placa di te 100 mil florin, of 10 porciento di e cantidad di depositonan halto. Esaki ta necesario pa sigura e posicion di likides di e banco nobo APC den su fase di start-up. Esaki ta e rason dicon e cuentanan di spaar di e clientenan cu montante mas halto ta keda limita pa un periodo di en principio 5 aña.
Na otro banda di medaya, nan lo eventualmente haya tur nan placa, cual probablemente no lo tabata e caso si e construccion aki no a tuma luga y si gobierno no a ‘bail-out’ e banco. Esaki ta pasobra Giro Bank tin un equity negativo balora na mas cu 300 miyon, pero tambe un debe riba e prestamo di Banco Central den contexto di e regulacion di emergencia di casi 270 miyon.
