(CuraçaoChronicle) – Ex-Gobernador Jaime Saleh mester renuncia na su titulo di Minister di Estado. Esaki ta loke a ser revela den un carta confidencial for di prome minister Pisas na Saleh, ken actualmente ta na Hulanda.
Pisas a duna Saleh te cu dia 30 di september pa boluntariamente renuncia na e titulo honorario aki. Si e no haci esaki, gobierno lo cuminsa cu e proceso pa formalmente kita e titulo aki for di su persona. E paso aki sumamente inusual ta causa pa Saleh su rol den e scandal di Ennia. E tabata comisario na e seguro durante e periodo unda doño Ansary a haci mal uso di e fondonan.
E comunidad tabata sumamente disgusta ora cu a revela cu e persona cu un dia a considera incoruptibel, Saleh, a ricibi casi 3 miyon florin pa atende 2 pa 3 reunion pa aña durante su funcion como comisario.
Den su carta personal, Pisas ta urgi Saleh pa ehecuta “restriccion maximo” den su actividadnan na Hulanda, unda e ta presenta como Minister di Estado. Saleh a ricibi invitacion di Benelux University Center pa papia na un simposio na Den Haag dia 22 di september, unda ex prome minister Balkenende tambe lo presenta. Ta hopi probabel cu Saleh tambe tabata un invitado na e speech di trono durante Prinsesjesdag.
