For di dia cu e oportunidad a presenta pa ricibi e ‘booster shot’ na Corsou mas cu 10.000 persona a tuma nan booster. Gobierno di Corsou ta aplaudi e accion di tur esunnan cu ta percura pa nos pais y pueblo keda safe y salud y ta urgi henter comunidad pa sigui tuma e pasonan necesario pa registra y asina vacuna.
Gobierno ta suplica tur persona interesa pa ricibi e vacuna of booster contra di COVID-19, pa traha un cita via di www.bakuna.cw. Esunnan cu dicidi pa ‘walk-in’ sin cita na un di e centronan di vacunacion (esta Poli-SEHOS of SDK) pa vacuna of haya e booster, por core sino e riesgo di no por keda atende debi cu no a sobra espacio mas e dia ey pa tuma mas hende. Si acaso surgi tog e necesidad pa ‘walk-in’, ta pidi cooperacion di tur hende pa acudi na centro di vacunacion SDK despues di 2’or di atardi y por fabor sigui instruccion di e personal presente. Si finalmente no tin espacio ta pidi pa bini bek e siguiente dia.
Sinembargo, e miho forma pa por registra y keda cla mas rapido ta via di www.bakuna.cw. Si resulta cu dado momento e sistema no ke tuma bo registracion, por fabor purba atrobe mas laat. Gobierno di Corsou ta trahando duro pa soluciona interupcionnan cu por surgi den e sistema mas lihe posibel y ta haci tur esfuerso pa por brinda un bon servicio na henter comunidad di Corsou.
