Dialuna ultimo, Juan Camilo Restrepo, hefe di ekipo di negociacion di banda di gobierno Colombiano, cu ta participa den dialogo di paz cu ELN na Ecuador, a bisa cu si acto di terorismo ta sigui, anto no lo ta posibel pa logra un acuerdo di alto al fuego entre gobierno y guerrilla. “Ora cu ELN ta continua cu mas acto di terorismo, anto ta mas leu e posibilidad di yega na un alto al fuego pa ambos banda ta keda” Restrepo a skirbi riba Twitter.
Restrepo a skirbi su tweet despues di un peticion cu ehercito di liberacion nacional ELN a trece e dia anterior riba su cuenta na Twitter. “Paro di fuego awor. Stop cu abuso, atake, persecucion contra persona y comunidad cu ta solicita nan derecho” e grupo di guerrilla a bisa. E hefe di negociacion entre ELN y gobierno di Colombia a resalta cu “alto al fuego y para abuso lo yega ora cu nan por compronde cu: pa alto al fuego mester reduci enfrentamento y no aumenta cada biaha mas enfrentamento entre dos banda.
Luis Carlos Villegas, minister di defensa di Colombia a bisa cu ELN ta responsabel di e atentado cu explosivo cu a sucede na Bogota y otro region di Colombia. E ultimo atentado a keda registra riba dia 19 di februari na capital di Colombia, y a kita vida di e polis Albeiro Garibello Alvarado. E siman aki e dialogo entre e partidonan ta continua, despues cu nan a traha separa di otro durante fin di siman.
