Minister di Economia di Venezuela Jesús Farias hunto cu autoridadnan di Aruba a reuni cu empresarionan y inversionistanan buscando desaroyo di economia pa ambos pais. Den nan presentacion gobierno di Venezuela a presenta un sistema di exportacion cu a wordo renoba.
Minister Farias a expresa cu su mision ta busca un crecemento di inversion stranhero pa Venezuela cu empresarionan di Aruba, di banda di Venezuela ta ofrece un garantia relaciona cu asuntonan di Aduana, siguridad na mecanismo di acceso pa permisonan, comunicacion directo cu e gobierno di Venezuela, pa tur empresario cu mustra nan interes na dicho presentacion.
Paul Croes, Minister di Labor a bisa cu Venezuela ta un potencia pa economia, y tin hopi relacion cu e pueblo di Aruba, pa tal motibo Gobierno di Aruba a traha riba e proyecto di Refineria, pa mehora e lasonan entre Venezuela y Aruba.
Alirio Mendoza, Consul General di Venezuela na Aruba a mustra su gratitud na tur empresarionan di Venezuela cu a biaha pa Aruba pa participa na e reunion, y tambe na tur Arubiano cu asisti na encuentro menciona.
Finalmente e minister di Venezuela, Farias acepta cu Venezuela tin un crisis awo y cu ta temporal, pasobra e gobierno di Nicolas Maduro a traha constantemente pa mehora e situacion economico.
