‘Gobierno di Aruba mester duna sosten y stop di duna medida’

Diabierna durante un conferencia di prensa, Francis Saladin, director di FRASA Aruba a bin dilanti tocante e preocupacion di impuesto den recibo y con esey lo duna impresion cu comerciante ta ‘subi prijs’.

Si ta inclui BBO den e prijs, esaki ta crea un confusion na e consumidor segun Saladin. Segun e comerciante a crea mas confusion na momento cu minister di finanzas a bisa cu ‘comercainte ta bay paga p’e y no consumido’.

Segun Saladin esey ta algo cu a crea confusion pa nos pueblo. E ta bisa cu e confusion caminda e comunidad lo kere cu comerciante no ta supone di cobra BBO na e consumidor ‘ta duna impresion cu tur aña aki nos a cobra BBO pa gobierno y cu nos a page di nos saco’.

Saladin ta bisa cu esey no ta berdad. E ta bisa cu minister di finanzas mester a splica mas cla kico e tabata kiermen. “E ta masha facil. Nos por mira e recibo di Setar. Bo ta mira e recibo anto ta wak nan ta cobra pa hybrid 99 florin. Esey ta e prijs separa cu nan ta cobra e BBO, BAVP etc y nan ta wak total 104.94. Pues kico e consumidor ta paga, e 99 florin of e 104 florin? Na final ta esey e ta paga.”

El a bisa cu ta bon cla cu e consumidor tin cu paga p’e y no e comarciente ‘anto Setar cu ta compania di gobierno’. E ta bisa cu parti cu minister di finanzas a bisa cu comerciante tin cu paga p’e no ta corecto y kier clarifica e punto: ‘nos tabatin miedo cu inclui e BBO den prijs lo bay crea confusion’.

Sinemabrgo Saladin ta bisa cu e realidad ta cu e consumido ta bay paga pa e impuesto. “Anto e realidad ta cu no por wak cuanto e persona ta bay paga na belasting. Despues cu nan kita BBO di e recibo, anto e ora ey nan por subi e prijs pa cuanto nan kier sin sa cuanto belasting a subi of no. Of si comerciante ta subi e prijs”.

Ora haci cambio den belasting e ta bira mas facil pa e consumidor wak e porcentahe di unda su placa ta bayendo pero si e prijs ta keda mescos, e no ta wak of e no lo sa mas di unda e belasting ta bayendo.

E comerciante a expresa cu lo cuminsa calcula e prijs entrante 1 di october pero benta inclusivo BBO ta 106.38, mientras benta exclusivo lo ta 100, cual lo nifica un total 6.38 den BBO so. Pa via di tur esaki, e parti acumulativo di belasting lo bay subi, segun Saladin. “Mi ta hari pasobra riba FaceBook di Bon Dia Aruba ta bisa cu presidente di parlamento ta bisa Hulanda mester duna sosten y no sigui cu mas medida, pero kier doorhale cu gobierno di Aruba mester duna sosten y no duna mas medida”, Saladin a bisa.