(CuraçaoChronicle) – Conseho di minister di Corsou a bay completamente di acuerdo pa continua negociando cu un preferred bidder proponi pa director di Refineria di Corsou (RdK), den e proceso pa establece un operador di e refineria na e isla.
“Ta importante pa gobierno di Corsou pa awo sigui e proceso statutorio segun e procedura prescribi. Esaki ta nifica cu mester tene un reunion, durante cual e accionista ta informa tanto e Hunta di Supervision como e director di RdK tocante su posicion”, gobierno a bisa den un comunicado di prensa riba diaranson ultimo.
Gobierno tin speransa pa logra bon cooperacion entre esnan involucra den e proceso, pa asina haya un operador nobo lo mas pronto posible, pa asina por habri e refineria y ofrece trabao na pueblo Curasoleño.
Esaki ta nifica cu e Venezolano miyonario, y ex-presidente di compania petrolero estatal di Venezuela, Pdvsa, Luis Giusti y su grupo ta bay tuma over e refineria na Corsou.
