1,1 miyon florin e caminda nobo na bahada di Sabana Basora lo costa gobierno pa drecha. Ayera e trabou a cuminsa, cual ta den man di BIC Aruba.
E caminda tabata den mal estado pa hopi aña caba. Pa motibo di e yobida na final y inicio di aña, e awa cu ta core a causa mas daño na e caminda cu ta hopi importante pa conecta e trafico di pariba y pabou cu otro. “No solamente e caminda a wordo afecta pero tambe e yobida a causa cu e parti na banda a wordo coba, causando daño na mas cu un auto”, asina gobierno mes ta indica. E ta trata di 1 kilometer di caminda cu diariamente hopi hende ta uza biniendo pabou via Franse Pas, sea bayendo pariba.
