Departamento di Recurso Humano (DRH) a informa cu entrante 1 di october 2019 gobierno a reactiva e Ley pa Retiro Voluntario.
Personal den servicio di Gobierno tin e oportunidad pa entrega un peticion pa retiro voluntario entre 1 di october 2019 te cu 30 di november 2019. Segun e ley concerni (Landsverordening Vrijwillige Uitdiensttreding AB 2000 no. 30) tur funcionario publico, di ken e salario ta bin di presupuesto di un ministerio o di un ‘landsbedrijf’, y cu no ta dirigi un departamento (‘leidinggevende’) por haci peticion pa sali voluntariamente di servicio publico.
E areglo por lo tanto no ta mara na cierto tipo di funcion o schaal. E areglo ta encera durante e prome aña 90% di e ultimo salario, di dos aña 80% y di tres aña 70%.
Pa mas informacion por yama DRH na 522-9999, por manda un e-mail na vut2019@drh.gov.aw of por pasa personalmente na oficina di DRH, L.G. Smith Blvd 172, Oranjestad.
