Gobernador lo dirigi mensahe pa 7’or anochi diadomingo awor: Mucha di 11 aña ta e pashent mas jong cu Covid-19 na Aruba

Prome Minister, Evelyn Wever-Croes a informa cu diadomingo awor pa 7’or di anochi, Gobernador di Aruba, Sr. Alfonso Boekhoudt, lo dirigi su mensahe pa henter pueblo di Aruba, relaciona cu e crisis di Coronavirus/Covid-19 su impacto den nos comunidad.

Igualmente el a laga sa cu tin 46 caso positivo di Covid-19 di un total di 559 test cu a wordo haci te aworaki. Nan ta den bon estado di salud. Finalisando su conferencia di prensa di diasabra anochi, el a laga sa cu un di nan ta un mucha di apenas 11 aña.

E ta un señal cu ‘e virus aki no ta discrimina’, el a bisa. E mucha aki ta e edad mas hoben di pashentnan cu Covid-19 na Aruba. Mayoria di esnan cu tin e virus confirma den nos pais, ta entre 25 y 34 aña, pues un edad jong. Mas cu un 10% ta den un edad vulnerabel, nan ta hende grandi.

E prome mandatario a pidi un biaha mas y categoricamente pa tur hende keda cas, y solamente sali pa loke ta strictamente necesario. E ta e unico forma pa bo keda safe y bo famia tambe.