Recientemente a wordo anuncia cu pa hoben cu kier of ta interesa pa cuminsa un carera den area militar por haci esaki. ministerio di defensa di Hulanda tabata presente pa asina duna un presentacion cu mas informacion.

A papia cu Glenn Rock, kende tabata un di persona cu a eherce su carera como militar na Hulanda ‘no ta manera nan ta siña na Savaneta camp’. Rock ta splica cu hende ta bruha e parti mariniers kazerne, pero esey ta pa bira marino (parti di marina) den parti di defensa di Hulanda e ta bira mas amplio.

Segun su tempo Rock ta bisa cu mariniers por a bira cu exigencia streng y stral cu hopi mucha/ hoben no tabata logra solamente hende homber. Ora e tabata den examenklas el a wordo yama pa displichter, pero no a logra bay pasobra e kier a caba su scol prome.

El a prefera caba su scol, sinembargo semper a keda cu gana pa bira militar. E ora ey el a uza e idea pa bay studia na Hulanda cu beursalen asina eynan e cana su caminda pa drenta den servicio militar.

E ta bisa cu compania halto den e programa aki, e ta un disciplina cu ta wordo hinca den e persona. Pa landmacht e parti militar, e formacion militar ta haci e persona mas structura manera debe ser. El a bay landmacht un aña despues luchtmacht pa 4 aña.

“Tambe disciplina cu bo a haya na cas, pues e formacion ta bira extra den militar e ta guia bo pa tin formacion. Despues ora mi a caba mi a semper ma keda boga cune, mi a duna idea y toeavallig tabatin proyecto caba”, Rock ta expresa.

Pa un hoben cu diploma cu kier bay traha den servicio militar na Hulanda, e no mester a paga ningun debe,pa motibo cu den defensa militar e opleiding di formacion ta paga tur cos door di defensa militar.

Pa motibo cu e ta sirbiendo e pais, tur opleiding y e trabou ta gratis, aki ta unda cu e studiante ta wordo otorga tambe dependiendo di e nivel di estudio cu ta eherce. Ora el a caba el a ricibi un bonus cu ta hinca den e pakete pa sirbi e servicio militar di Hulanda. Pa locual ta trata e salario, esaki ta depende den cua rango of kico e persona kier sigui, tur tin salario y beneficio,pero por subi riba e website pa tin mas informacion.

Despues cu el a regresa Aruba, el a bay den parti di luchmacht pa core control y brandweer pa motibo cu su base di landmacht tabata pa bombero. Na Aruba el a traha cu bombero y despues a wak un vacatura na WEB na unda cu e ta trahando como hefe di emergencia actualmente.

Un di conseho cu Rock a duna ta pa no tin miedo y no pensa ta guera ta bayendo. No ta asina cu na Europa ta bay haya guera ‘e ta pas’ un carera estupendo segun Rock. Pa tur esunnan cu tin un diploma y kier haci algo diferente por busca mas informacion ‘werkenbijdefensie.nl’ y pa esunnan cu ta interesa a nan logra obtene nan diploma prome di Havo, Mavo, EPI, EBP nivel 1 entre otro.

Depende e diploma cu e persona tin ta depende tambe e nivel di estudio cu por drenta den defensa pero tambe por sigui crece den enseñanza aden. “E gol ta pa wak un Arubiano hende homber of hende muhe pa core un di avion di defensa”, e ta expresa.

E rekisito pa esunnan cu kier drenta ta cu mester ta mas di 16 aña di edad cu ta pasa leerplicht. Nan ta haya un formacion cu ta financia pa ministerio di defensa. Unda cu e studiante no tin debe cu mester paga manera prestamo pa otro estudio.

Rock a comparti cu ora el a yega Aruba, el a purba pa hende por tin oportunidad pero awo e ta wak cu ta positivo y cu hoben por sigui nan carera. Pa e oportunidad aki hende homber y hende muhe por inscribi pa estudio militar. E no ta manera mariniers camp. “E ta asina cu dama y cabayero ta haya oportunidad pa haci civil tambe y sigui cu e parti militar.”

E perfil cu nan ta busca ta edad minimo di 16 aña y haltura di 1.55 cm. Tambe por bisti bril of lens, pero cu un grado di -6. Tin algun otro rekisito cu ta wordo poni y tin diferente posibilidad cu tur hende cu diploma VWO, Havo, EPI, EPB, Mavo por upgrade y cu diferente nivel pa drenta.