(AP) – Judith Monarrez a zak riba vloer na yoramento ora cu e noticia a yega su email: Gizmo, su cacho cu tin mas di 9 aña perdi, a ser haya bibo.
Monarrez tabatin 28 aña y tabata biba cu su mayornan den 2015 ora cu Gizmo, di apenas 2 aña, a haya manera di pasa door di e porta di nan cas na Las Vegas.
E decada cu a bini despues a trece hopi cambio. Monarrez, ken awo tin 37 aña, a muda y ta biba den su propio cas, tin su master’s den Ingles y a cuminsa duna les den educacion halto. Sinembargo durante e ananan, Monarrez a bisa cu nunca el a stop di purba haya Gizmo.
Awo, e tabata drentando su auto pa stuur na otro barrio pa topa Gizmo na un hospital di bestia. Monarrez a ser bisa cu un muhe a haya e cacho, cu awo tin 11 aña y a hib’e veterinario, unda el a scan su microchip y esaki a manda e notificacion na Monarrez.
Dentro di oranan despues di a ricibi e email aki, Gizmo tabata back den man di su mama. Monarrez a yama esaki “un milager.”
“Mi ta asina contento cu mi a registra su microchip.” Su reunion a bini na mesun tempo unda e ordenansa di Las Vegas ta stipula cu tur doño mester microchip su mascota cuminsando for di dia 1 di augustus.
