Por wak cu na Aruba y paisnan cerca di nos e droga GHB ta uno traha cu kimico di haci limpiesa cu ta pone ora bo use e por bay off te hasta pone bo curpa bira lam, ora pone cu bo por keda sexualmente abusa segun Jeanira Tromp-Wernet, kende ta splica mas di tipo di droga aki.
GHB ta conoci como un party drug, mescos cu Molly y tambe e ta miho conoci como un rapedrug, ya cu esaki malhechornan ta use hopi, pa asina tir’e den bebida of den cualkier sorto di cos cu ta wak cu ta bezig cun’e na e momento ey, pa asina e haci su efecto y pa nan por haci nan fechoria.
E droga aki ta hopi peligroso. Si bay den historia, cu ta bisa cu e droga aki ta un droga cu eigenlijk dokternan tabata use como anestesia. El a wordo saca for di circulacion, pa motibo di e efectonan secundario. Awor hende ta formul’e den laboratorionan casero cu productonan di haci limpiesa. Door cu e tin e efecto di anestesia, depende con hopi e wordo tira, e por tin cierto efecto riba un persona. Hopi biaha e por pone un persona bay off, aunke toch un tiki conciente. E ta keda hopi lam, di manera cu no por haci escogencia di biaha. E ta slow e sistema cu ta pasa e señalnan di cabez pa curpa, cu e consecuencia cu nan ta haci uso di dje pa rape of asalta hende.
E droga aki ta conoci na Aruba caba pa hopi tempo. Pero e ta bay den su temporadanan low, despues e ta bin bek. Actualmente sa hopi cu den weekend, hopi hende ta wordo haya bao di intoxicacion y ta si nan haci test, e ora por haya sa ta ki droga ta bin na remarca e momentonan ey.
Tromp-Wernet ta sigui splica cu esaki por wordo traha aki mes, pasobra e ta wordo traha cu productonan di haci limpiesa. Tambe e por bin di afo. E entrada ta varia, e ta splica.
A puntra Jeanira Tromp-Wernet, molly y GHB, con serio esaki ta na Aruba y den ki caso aki, cual ta esunnan mas usa entre nos hobennan.
A pasa den e manifestacion di molly, cu esey ta cogiendo su trend atrobe, door cu e ta un partydrug, mescos cu GHB. E ta wordo usa hopi den fiesta, rave, electric festivals, na concierto, na barnan cu ta conoci pa tin sorto di musicanan aki. E droganan aki ta droganan cu ta manifesta eynan, door cu e ta duna nan un sensacion hopi mas extenso pa nan por disfruta di e musica.
Esaki a wordo constata ultimo tempo y a haya informacion tambe cu den e ultimo fiestanan cu tabata tin, el a bolbe manifesta, esta e molly, marihuana, cu tambe a manifesta su mes den cierto conciertonan cu tabata tin, unda cu tambe a forma parti di nan, pa loke ta e parti di prevencion. A bin haya sa e ora ey cu si tabata tin uso di hopi droga cu locual cu ta purba di evita, el a splica.
Pa mayornan, papia cu bo yiunan pasobra GHB, ora e ser basha den bo bebida, bo no ta ripara mes cu bo ta bebe esaki den bo bebida, Tromp-Wernet a splica.
Hoben, como persona cu bo ta, cu bo ta sali, hopi biaha ta bisa, no laga bo coy bebe zomaar un caminda, bay baño bin bek, sigui bebe. Caba di bebe, bay cun’e baño, pa asina evita cu un hende por benta algo aden.
Conoce tambe e sistema cu un tempo pasa, cu a manifesta cu propio bartendernan mes di e lugarnan aki ta hink’e den e bebida. E ora ta bisa kico bo ta bebe, sea atento kico e persona ta bezig trahado. Busca bebidanan cu ta cera, cu abo mes por habri, pa asina minimalisa mas hopi posibel cu bo ta wordo basila cu e producto aki, segun Tromp-Wernet.
Esaki ta algo peligroso. Con hopi caso tin no sa, pasobra esaki ta depende si e ta wordo investiga y e resultado di esaki, si e ta bin afo of no. Pero conoce e casonanan aki caba.
E demanda tey pa autoridad sigui nan paso, pero tur esaki ta costa placa. E ta depende na e momento ey si nan ta haya cu e ta necesario investiga si of no. Door cu e droga ta slow un hende down, por mira como un intoxicasion di alcohol. Si haci e test di alcohol y e ta sali clear na esey, e ora nan ta bay pasa pa haci mas investigacion. Si e ta sali positivo pa esey, e ta cla. Aunke cu e producto aki ta wordo bruha cu alcohol y no ta haya e feeling, no ta haya e taste di e droga. Su taste mes, sin wordo usa cu otro tipo di droga, e ta tiki salo. Pero una bes cu e bay den awa, una bes cu e bay den un softdrink, e bay den un bebida alcoholico, no ta haya e smaak mas. Ta djis e efecto ta haya, segun Tromp-Wernet.
