No ta un secreto cu Aruba a bin ta batayando cu e problema di RWZI Bubaliplas pa algun aña caba, specialmente e sector hotelero y specificamente e hotel- y restaurantnan cu ta den cercania di e planta. Den e caso aki, manera ya ta conoci, e hotel Amsterdam Manor ta uno cu ta wordo afecta continuamente pa e situacion cu RWZI y recientemente a manda un carta habri na prome minister, y otro stajkeholders, pidend atencion ariba eley pa privatisa RWZI.

Segune noticiero local Noticia Cla ta indica, den e carta habri aki cu e gerente di Amsterdam Manor Beach Resort, Jürgen van Schaijk, a dirigi na prome minister Evelyn Wever-Croes y otro stakeholders, e ta bati alarma y ta pidi atencion pa e concepto di ley pa privatisacion di e plantanan di RWZI, como tambe e incinerator na Parkietenbos.

Segun e portal, den e carta van Schaijk ta menciona e hecho cu a pesar cu Aruba su economia ta prospera y tabatin un crecmento rapido despues di e crisis di covid, no tabatin un bista ariba e bentaha, y sobretodo e desbentaha cu esaki ta trece cune.

Un di e desbentahanan cu gerente ta señala ta e RWZI Bubali Plas. E ta indica cu e crecemento debi na e economia creciente, no a conduci na expansion di e planta aki y cu gobierno no tabatin e interes pa destina fondo publico pa haci esaki.

Den e carta van Schaijk ta haci referencia tambe na e diferente caso cu e hotel a entama contra varios gobierno, di cual e hotel a gana tur, pero toch niun gobierno no a haci nada pa loke ta e situacion aki.

“Ta evidente cu por papia di mal maneho cu consecuencia dramatico pa salud publico, naturalesa y medio ambiente” e noticiero ta bisa citando van Schaijk. E portal ta sigui indica cu den e carta ta resalta cu e hecho cu awor kier privatisa e planta ta algo bon, pero esaki no ta kita e preocupacion di e gerente di e hotel.

Esaki pasobra, el a sigui splica, e privatisacion no ta un solucion total, basando su mes riba conseho di Raad van Advies. Segun e van Schaijk ta indica ainda ta sacando awa sushi via Bubaliplas den laman banda di hotelnan, entre Eagle Beach y Palm Beach y e ta menciona cu ni cu rapportnan di por ehempel CARMABI, gobierno a atende cu e situacion aki.

E noticiero ta sigui menciona cu e gerente di e hotel ta menciona cuater punto den su carta dirigi na prome minister pa por logra un solucion duradero. E cuater puntonan aki ta inclui un pakete di medida di emergencia te ora cu traha un planta di RWZI nobo, traha un RWZI nobo cu un capacidad mas halto di minimo15 mil kuub di awa na otro luga, pone fondo disponible pa regla tur esaki, y establece normanan pa loke ta impuesto riba e mal holor pa motibo di e planta, entre otro.

Por lesa mas ariba e carta aki den nos edicion di mañan.