(NLTimes) – Lider politico ultra derechista Geert Wilders a papia diaranson den sosten na un plan cu President Mericano Donald Trump a trece dilanti cu ta haci yamado pa Palestinonan sali for di Gaza Strip.
Wilders ta lider di PVV, e mas grandi di e 4 partido den e coalicion gobernante na hulanda.
Trump a bisa durante conferencia di prensa diamars cu Prome Minister Israeli Benjamin Netanyahu cu Merca lo “tuma over y bira doño di” Gaza Strip na momento cu e Palestinonan sali. E ta kere cu e Palestinonan di Gaza mester permanentemente reloca na otro paisnan.
“berdad, President Trump! Manera semper mi a bisa: Jordan = Palestina. Laga e Palestinonan muda pa Jordan. Esey ta resolve e problema di Gaza!” Wilders a bisa riba X.
E gabinete a bini dilanti contra e nocion cu Gaza Strip lo cay bao autoridad Mericano. Minister di Exterior Caspar Veldkamp, di NSC, anteriormente a declara cu e ta contra edeportacion forsa di Palestionnan for di Gaza Strip. Su posicion no a cambia riba esaki, un vocero a informa riba diaranson.
“Pa Hulanda, no tin duda: Gaza ta pertence na Palestinonan<” e minister a bisa. “Nos posicion ta y lo keda sin cambia,” veldkamp a declara. “Hulanda ta sostene un solucion di dos estado. Esaki ta nifica un estado independiente y viabel Palestino banda di un Israel safe.”
Poco despues cu e gabinete a subi mando, Veldkamp a keda obliga duna e gobierno di Jordan garantia despues cu Wilders a haci un publicacion similar riba X den juli.
