Bulando den e Northwestern Hawaiian Island inhabita, Midway Atoll ta aparece for di centro di e ocean Pacifico. Pero unabes riba dje, e escena ta cambia: plastic, contaminacion, y morto.
Practicamente liber di predador, Midway ta un luga sigur pa cantidad di especienan di parha di lama, y ta cas na e colonia di albatros di mas grandi den mundo. Pero tambe e ta den centro di e asina-yama ‘Great Pacific Garbage Patch’, un area grandi di plastic flotante colecta pa e coriente circular oceanico. E Islanan Hawaiiano ta actua como un peña cu ta colecta e plastic mas lihe di locual cientificonan a pensa.
Midway ta yen di skelet di parha cu tin plastic colorido saliendo for di nan restonan. Tapa di boter, skeiro di djente, lighter pa sigaria. “No tin un parha sin plastic”, segun Athline Clark, superintendente di National Oceanic and Atmospheric Administration pa Papahanaumokuakea Marine National Monument, na cual Midway ta pertenece. Nan ta ‘yena na barica cu plastic na luga di cuminda, y sea nan ta choca of nan no tin espacio pa nutricion, y ta muri’.
Papahanaumokuakea, cual a cuadruplica su tamaño bou presidente Barack Obama na 2016, ta e area di conservacion marino mas grandi di mundo, y na 2010 a inscribi como un mix World Heritage site di UNESCO.
“Papahanaumokuakea ta un luga tanto biologicamente rico como culturalmente sagrado”, Clark a bisa. “E Hawaiianonan ta yam’e aina momona, un luga di abundancia.”
Biologo di US Fish and Wildlife Service, Kelly Goodale, ta biba y traha na Midway. El a bisa cu e plastic riba beach ta apenas un parti di e problema. “No ta unicamente cu nos beach ta hay’e, sino nos albatros ta trece den nan neishi y duna nan cria pa come”, el a bisa. “Pues nos ta calcula como 5 ton di plastic treci na Midway cada aña unicamente di e albatros pa duna nan cria.” E albatros ta busca webo di squid, cu ta pega riba e plastic, resultando den cantidad di parha cu ta come e material.
Y no ta unicamente e parhanan cu ta sufri cu plastic. Zeehond Hawaiian monk y turtuga berde di lama, den peliger di extinsion, por muri pega den red di plastic. Tribon y otro predadornan apex ta come e pisca chikito cu ta come e microplastic. Bayena ta lastra red di pisca y buya durante nan migracion den ocean mundial.
Clark ta bisa cu ta importante pa recorda e relacion entre ocean, bida marino, y humano.
El a comparti un proverbio nativo Hawaiiano: “Ma o ke kai pili ai kakou.” E ta nifica, ‘ocean ta conecta nos tur’.
