(TMZ) – E pelea entre Kanye West y Gap te ainda ta andando y awo ta birando pio cu un demanda di 2 miyon dollar.
Segun documentonan legal cu TMZ a obtene, Gap kier pa Kanye West cubri tur e gastonan cu e lo por haya den e demanda cu nan ta enfrentando pa motibo cu segun Gap, Kanye y su compania ta e motibo dicon nan ta den e problema aki.
Gap ta den medio di un demanda cu Art City Center a haci den su corta. Art City Center ta bisa cu nan ta doño di un edificio na Los Angeles cu a huur na Gap como un tienda pa Kanye su marca di paña Yeezy.
Segun Art City Center, a haci varios cambio na e edificio cu no tabata aproba ora cu Gap tabata promoviendo e colaboracion cu Yeezy den aña 2021 y 2022 y pa motibo aki ta demanda Gap pa cubri e gastonan di restauracion di e edificio en cuestion. Awo, Gap ta pasando e responsabilidad aki riba Kanye West.
Gap ta demandando West pa mas di 2 miyon dollar, cual ta inclui e cantidad cu e compania Art City Center ta kere cu nan tin mester pa e tienda y un poco extra pa cubri e gastonan di abogadonan.
Segun a reporta anteriormente, Kanye West a caba su colaboracion cu Gap, bisando cu e compania no a cumpli cu promesanan haci na su persona. Abogadonan di Kanye a manda un carta na e compania unda a bisa cu Gap a viola nan trato pa medio di no lansa West cu paña manera nan a priminti y pa medio di no habri tiendanan specificamente designa na Kanye su marca.
West a publica den e tempo aki riba rednan social tur loke tabata tumando luga, bisando cu Gap tabata organisando reunionnan sin su persona, y bisando cu Gap mester “dunami e posicion pa ta mi mes y lagami haci loke mi ta pensa of mi mester bay pensa otro caminda.”
Den e tempo aki, a keda resolvi cu e resto di pañanan di Kanye West lo sigui na benta pero na tiendanan di Gap.
