(AP) – Legisladonan na e nacion West Africano di Gambia riba dialuna a rechasa un proposicion cu lo a retira e prohibicion riba corta genital di hende muhe. E intento di bira e prome pais den mundo den kita e prohibicion aki a ser monitoria for di cerca pa activistanan den exterior.
E voto a bin despues di lunanan di debate den e nacion mas tanto Musulman di menos di 3 miyon persona. Legisladornan efectivamente a mata e proposicion pa medio di rechasa su clausulanan y preveni un voto final.
E procedura aki, tambe yama mutilacion genital di hende muhe, ta inclui kita completamente of parcialmente un muhe su genital externo, hopi biaha haci pa personanan den e comunidad tradicional cu hermentnan manera blade di corta of empleadonan di salud. E por causa sangramento serio, morto y complicacion cu nacemento pero te ainda ta un practica plama na partinan di Africa.
Activistanan y gruponan di derecho humano ta preocupa cu kita e prohibicion na Gambia lo kita añanan di trabao contra e practica di siglonan cu hopi biaha ta haci riba mucha muhenan di menos di 5 aña y ta basa riba e conceptonan di puresa sexual y control.
Conservativonan religioso cu a lidera e campaña pa kita e prohibicion a argumenta cu e practica ta “un di e virtudnan di islam.”
Den maart, e mayoria legisladornan a vota pa avansa e proposicion, causando miedo y preocupacion cu e prohibicion lo ser kita. Sinembargo actitudnan a cambia mirando cu e activistanan di derecho a campaña y dokternan, figuranan religioso y otronan a testigua pa e comite di salud tocante e consecuencianan di e practica.
“E ta un alivio grandi,” un activista y sobreviviente, Absa Samba a conta The Associated Press despues di e voto, celebrando cu otronan den parlamento. “Pero mi ta kere cu esaki ta e comienso di e trabao.”
